නොකියා කියූ ආදර කතාවක් ළඟ
හිත නැවතිලා තිබුනා සුදු පින්න මලක් යට
හුදකලා හිතට කොඳුරා රහස් ටික
සැඟවී ගියා දේදුන්නක් වළාවක
සුළගේ පාවෙලා ඇවිදින් වදන් පෙළක්
අඳුරට මුවා වී ලිව්වා පෙම් ගීයක්
අරුත කියා දුන්නේ මුදු පහන් සිලක්
පන්හිඳ ළඟ දඟ කෙරුවා මෙරුන් රැළක්
රැක ගන්නා සේම ඇත රැඳී නෙළුම් මලක්
ඇස් මානයේ තිබුණා සොඳුරු නෙත් දෙකක්
බලා උන්න කඳු වලල්ල නගිනා තෙක්
හිත ඇතුළේ රඳවාගෙන ආදරයක්…..
සසර පුරා පතලා නොදැනෙන සේම
හිතයට තියා ආල හීන නොදැනීම
දුක සඟවගෙන හිනා වෙලා හැමදාම
තනිවම ප්‍රේමයක විරහව වින්දේ කොහොම
වචන පුරා ඉඟි කෙරු ආදර කොමළ
නොකියා කියූ ආදරයක් සිර කෙරුව
සමුගන්නට වුනත් හමුවීමක් නැතුව
සිතුවම් බොඳ වුනේ දෙහදක මග හැරුන
