කුරු ගහේ පැණි වරකා ඉදුණම
ලොකු මදුල දෙක අරගෙන තියා
ලුණු ටිකක් ඉහගෙන කාහං
මැටි වලඳේ ලිප ළඟ ඇති කියා
පොල් අත්තේ මෝවිටි තියා
හොඳ භාවනාවක් යැයි කියා
කලබල නොවී හෙමිහිට පුරාපන්
යස රටාවක් ජීවිතේ කියා
පන්සලේ මුර දානෙ ආවම
කොහිල ගලවන්නට ගියා
කට කොනින් පෑ හිනා මතකයි
ලොකු තැනට අරිෂස් කියා
මහ වෙළේ වෙල් ආතා ගොල්ලේ
ඉපල් දර මිටි බැඳ තියා
කොබෝ නයි ඉගිලෙනු බලන්නට
හිමාලෙට කැන්දන් ගියා
හතර පෝයට බණ අහන හැටි
රේඩියෝ එක ළඟ තියා
හීනයක් සේ දිගහැරෙනවා
අනේ නුඹ දුර ගමනක් ගියා
