තිප්පිලි හොද්ද අප්පල්ලේ කෙඳිරි ගායි
අඟුණ සම්බෝලේ කට දන කොච්චි යසයි
තිබ්බටු කොටා කොස් ඇට මී තෙලට දමයි
ගල උඩ ලුණු මිරිස් ගුලියට ලීම හොඳයි
සකසා කුරුනියේ හිස මත වඩාලා
දන් ගෙයි පාත්තර අටකට බෙදාලා
මුදුන් බතෙන් බුදු පුදටත් පුදාලා
මිය ගිය ඥාතීනුත් වැද පිං පතාලා
ග්‍රාම නිලධාරි කාමරේ බණ මඩුවේ
මව්ගුණ ගීත වැඩසටහන බෝ මළුවේ
ආරක්ෂක කුටිය පැත්තක බුදු මැදුරේ
කේක් , මැහුම් ,පන්තිය ඇත ආවාසේ
දිවා සුරැකුමේ රූ සිරි ගුරුතුමිය
දෙමළ පන්තියේ ගුරු තැන පොඩි හිමි ය
පන්සල් වත්ත අඹ මිදි පිරි හේනක්‍ ය
වාහල්කඩ යට BOC ශාඛා වක් ය
ඝණ්ඨා නාදේ පලුගස්වැව පැතිර හඬ
වල පය ගොඩ ලන්ට අරදින මහලු කය
කුණු කය පවත්වන්නට බර බෙහෙත් කන
ලොකු හාමුදුරුවෝ වැඩ සිටියේ වෙහර ලෙන
