මං තනිවී දැන් කොහොමද
තනිය මකන්නේ
මං තනියෙන් උන් යහනේ
නින්ද නොඑන්නේ
මං හැඬුවම නුඹ එක්කද
කඳුළු පිහින්නේ
මං තනියෙන් බොල් බුසලෙන්
බැතක් මණින්නේ
අදුර වඩ්නවා මගෙ හිත
නුඹම හොයනවා
තනිකම පාලුව හොරෙහින්
ගෙට ගාටනවා
පහණ්පැලේ කිරිවේයෝ
රටා වියනවා
ගෙයි දොරකඩ උක් පදුරේ
මල් පූදිනවා
කදෝපැනියෝ තරුත් එක්ක
රණ්ඩු කරනවා
ගල්කිරියාගම කන්දේ
අඳුර ඔතනවා
ඉහත්තෑවෙ කොරවක්කෙක්
දුකට අඩනවා
පන් පැදුරේ රටා මැකී
නුඹව මැවෙනවා
කිරිගොයමට එන දලයට වැට මදිය
මගෙ තනියට දීපං ඔය හිත් පොදිය
නෙත් මානෙක වත් නොපිපුන කුමුදුනිය
රිදුම් දෙවයි මගෙ පපුවේ ඉඩ මදිය
