27 C
Colombo
Monday, May 20, 2024
spot_img

Subscribe

Date:

Share:

වැදි රජු මනමේ කුමරිය සමග හිමගිරට ගියේය…

Related Articles

අහෝ….!

මනමේ කුමරුනි

කුමට මැරුවාද මා ඔබ

මැවේ ඇස් ඉදිරිපිට

තවමත් ඔබේ මළකඳ

කිරිගරුඬ පිළිමයක් සේම ය

දසවසක් වගෙ දැනේ

ඈ දැන් මෙහෙට ඇවිදින්

දරු මල්ලෙකුත් නැති එකේ

නෑ කිසිම වගතුවක් …..

මලනුවනි, මේ අසාපන්

මරණය නුඹට සැපතක්

ඈ වදක භාරියක්

ජිවිතේ මගෙ දෙබර වදයක්

ඈ එදා ….

නුඹේ අතට දුන්න නම් ඒ අසිපත

මාත් අද සැනසුමෙන්

සිටිමි වී අඩි හයක් ගැඹුරට

වියපත්ය මා දැන්

සවිය නෑ මට පෙර මෙන්

මා දිහා ඈ දැන්

බලන්නේ අමුතු ඇහැකින්

ඈ දැන් මට වඩා

රැහේ එකෙකුට මනාපයි

පිය තෙපුල් දොඩන බව

මා නොදන්නවා නොවෙයි

ඒ අසිපතම …..

ගෙන හොරෙන්

ඔහුට දී තිබුණි දෙවරක්

කවර පල ඉවසීමෙන්

දුන්නා ඇයටත් මං

නුඹට දුන් ලෙසටම කඩු පහරක් ….

Kumari Mullegamgoda
Kumari Mullegamgoda
B.Sc. University of Jayawardanapura, Sri Lanka Teacher at Gurulugomi Vidyalaya, Kaluthara, Sri Lanka. Writer

LEAVE A REPLY

Please enter your comment!
Please enter your name here

Popular Articles