29 C
Colombo
Friday, June 14, 2024
spot_img

Subscribe

Date:

Share:

කන්ද එතැනම තිබුනා නම්…

Related Articles

නීල නිල් පැහැ තුංග කඳු හිස්
හූරා හූරා දමපු සාපෙට
කඳු යටින් කඳුළුයි ගැලූ වේ
වේලිලා ගිය මව් දෙතන යට
හරිත සළු පිළි උනා හැඳ ගෙන
කළල් ඉහිරුණ අදුරු සළු පට
කඳු හිසක් සිප ගන්න සිතුවද
දෙකම්මුල් යලි නිම්නයට බැස….

කුරුළු කූඩුයි තිබුනෙ එල්ලී
ඉන්න හිටින්න තැනක්  නැතුවට
කුරුළු පැටවුන් නඳයි ඇසුනේ
නිබඳ  කිචි බිචි දෙමින් කඳු වට
පෙරළි පෙරළී මහා කළු ගල්පසුත්
ඇදගෙන ඇවිත් පොළවට
මොහොතකින් එක නිහඬ කෙරුවා
නොදී අවසරයක් හුස්මකට….

කන්දකට වුව නොයෙක් ගැනවිලි
තියෙනවා ඇති කියන්න
පලා ඇගෙ ලය මඬල හීරූ
සොර මුලෙන් එය අහන්න
මහා මන්දිර සාර මං පෙත්
දෙසට හැරිලා බලන්න
කන්ද එතැනම තිබුනනම්
අද වෙයිද මේ දුක දරන්න

Anomaji Rajapaksha
Anomaji Rajapaksha
Former teacher, Award winning poet, lyricist, and a writer. Anuradhapura, Sri Lanka

LEAVE A REPLY

Please enter your comment!
Please enter your name here

Popular Articles